أخطاء اوعى تقع فيها على الإنستجرام

-إستخدام الإنستجرام ك أداه للتسويق لمنتجاتك او علامتك التجارية هيكون مفيد بشكل كبير لو استخدمتة بشكل صحيح
لكن من اتجاه تانى فيه اخطاء متكررة  ممكن تقع فيها تدمرمصداقيتك تماما عند الناس الا وهى أهم حاجة انت بتبنيها لشركتك وعلامتك التجارية
المصداقية والصورة الذهنية الطيبة والموثوق فيها .

فى المقال دا هنقولك بعض أخطاء الأنستجرام  اللى ممكن تقضى على مصداقيك عند الناس:

1-شراء المتابعين وا ل لايك لزيادة متابعين ولايكات الصفحة بشكل غير طبيعى:

الزيادة دى غالبا بتكون زيادة وهمية ومزيفة وبتضر شغلك  ومش بيجى منها تفاعل وشغل وبتشوه صورة البراند الخاص بيك بشكل كبير وبتخاطر كمان انك تتعرض لمسأله قانونية بجد.

2-أستخدام صوروفيديوهات جودتها منخفضة:

الانطباع الاول مهم وبيخلق رابط فورى بينك وبين المتابعين ودا بيتم من خلال الشكل اللى بتظهر بيه الصور أو الفيديوهات  اللى بتقوم بنشرها فلازم تكون فى أفضل صورة ممكنه وتكون جودتها عالية يعنى صور واضحة – اضاءة مناسبة – الهدف منها واضح وليه علاقة مباشرة بالمنتج او الخدمة اللى بتقدمها.

تخيل نفسك مكان اللى بيشوف الصور او الفيديوهات وكانت جودتها مش كويسة ومش واضحة وضبابية وملهاش علاقة باللى بتسوق ليه هيكون حكمك ايه ؟

3-النشر الكتير جدا او القليل جدا:

نشر المحتويات والقصص Instagram Story بشكل كبير وعلى فترات قصيرة جدا يعتبر اهدار للوقت وللموارد و كتير مننا بنقابل النوع دا خلال متابعتنا لحسابات الانستجرام والحقيقة اى متابع لما بيشوف كم القصص الكبير جدا دا بيزهق و مبيبقاش مستعد انه يضيع وقت عشان يشوف كل الكم دا .

عشان كده د بيضر جدا فى جذب المستخدمين والمتابعين الجدد والمحتملين وممكن كمان يؤدى ان حتى المهتمين ومتابعين الحاللين ليك يصرفوا نظر عن شركتك .

كمان نفس الكلام ينطبق على النشر القليل جدا بيعمل فجوة بينك وبين المستخدمين ومع الوقت بينسوا البراند بتاعك والخدمات اللى بتقدمها فلما يفكروا فعلا فى حاجتهم لمجالك مبتكونش فى اختياراتهم لانك غير متواجد بشكل منتظم على حسابك الاساسى .

4- تجاهل التحليلات الدقيقة والأحصائيات :

التحليلات اللى بيقدمها الانستجرام بشكل مفصل ممكن توصلك و تساعدك فى معرفة اهداف واهتمامات متابعينك بشكل كبير

لو تجاهلت  الارقام والتحليلات هتكون بتخسر جانب كبير من المعرفة وتتجة لاستراتيجات بلا هدف وغير مجدية لكن منابعة التحليلات بتديك صورة  صحيحة عن مسارك وبتوضحلك ايه الانسب  لمتابعينك.
وممكن بنفسك تراجع بعض الخطوات زى :

– انشر فى اوقات مختلفة وحلل واختبر الوقت الانسب والاكتر متابعة.

– الأهم الجودة وليس الكمية اهتم اكتر بقوة وجودة وتأثير المحتوى لجذب الانتباة ليه بشكل أقوى .

– اعرف هدفك والمقاييس المتبعة من عدد المشاركات والظهور والارتباط على ما قمت بنشره اعمل مراجعة سريعة وهتعرف من خلالها المقاييس اللى ممكن يتضمنها حسابك لجذب جمهور ومتابعين أكبر وتقديم محتوى بصرى يهمهم مع شرح بسيط  وهل يهمهم اكتر متابعة الصور او الفيديوهات اللى بتنشرها وايه اللى بيوضح اكتر  المعلومة اللى انت عايز توصلها لهم .

المرة الجاية لما تنشر على حساب اعمالك على الانستجرام هتكون تجربة افضل كتير لو تجنبت الوقوع فى الاخطاء اللى وضحناها واكيد مع مراعاة كافة الجوانب والاستمرار عليها هتشوف بنفسك تطور ونمو البراند الخاص بيك بسهولة .

 

اقرأ ايضاً  ال4 لحظات التي غيرت السوشيال ميديا 2018

 

Post your comment

أجعل قناتك على اليوتيوب هي الأفضل
التسويق وانواع العمليه التسويقيه
%d bloggers like this: