أفضل النصائح لإستخدام Instagram للتسويق

– مجموعة من أفضل النصائح اللى تقدر تطبقها بسهولة فى Instagram لتسويق أعمالك بشكل فعال :
1- استخدم حساب أعمال Instagram Business:

حساب النشاط التجارى بيخليك توصل لمميزات كتير هتساعدك فى شغلك مش هتقدر تستخدمها لو شغال من حساب شخصى زى الأحصائيات والإعلانات والتسوق أون لاين لمنتجك Instagram Shopping.

2- لازم تحدد أهدافك:

عشان تعرف تستفيد لازم تكون عارف انت عايز تبنى ايه بناء على وضوح اهدافك هتعرف كويس تحققها سواء كنت
– بتحاول تثبت علامتك التجارية فى أذهان المتابعين؟
– بتحاول تكون عملاء جدد؟
– بتأسس علامتك عشان تكون من الرواد فى مجالك؟
– تزود وتسرع مبيعاتك؟
– أو عايز تحقق أكتر من نتيجة فى نفس الوقت لازم يكون عندك استراتيجية قوية تقدر تحققلك دا.

3-  حدد جمهورك صح:

البحث هيساعدك توصل للجمهور اللى أنت عايزة
الشباب – الاطفال – الامهات – أصحاب الاعمال – المهتمين بمجالك – رواد الأعمال كل دا تقدر توصله بتحديد الجمهور الصح اللى هيكون المحتوى بتاعك موجه ليه مباشرة ودا مهم جدا وهيسهلك وصول اعلانك بشكل فعال .

4- تحسين ملف التعريف الخاص بك:

150 حرف لازم تكون مؤثرة وتسيب انطباع أول قوى وتوضح شخصية علامتك التجارية , وتحفز الناس ليه لازم تتابع حسابك .
– دا غير ان فيه اضافات كتير ممكن تستفاد بيها وتسهل وصول الناس ليك .

اقرأ ايضاً  كيف تكتب BIO جذاب على وسائل التواصل الاجتماعي

5. اختيار صورة بروفايل صح:

صورة البروفايل لازم تعبر عنك عشان كده أفضل صورة هتكون صورة شعارك ودا هيدى مصداقية وهيخلى الناس تعرفك أول ما تشوف شعارك
الصورة لازم يكون حجمها صح لانها بتتعرض فى شكل دائرى , لو شعارك على شكل مربع هتحتاج تصغره عشان تبان كل التفاصيل فى الشكل الدائرى .

6-عرض صور وفيديوهات فعالة:

بيعتمد Instagram على المرئيات فلازم تقدم محتوى مش بس شكلة جميل لكن فعال بيحكى قصة تثير إعجاب متابعينك
مع الاعتبار ان الصور تكون اضائتها جيدة وواضحة وتشد الانتباه, البساطة هتكون رائعة مش محتاج معدات كتير عشان تطلع شكل جميل .

7- اكتب تعليق توضيحى رائع:

قلنا إن  Instagram وسيلة مرئية صح , بس بردو مش لازم نهمل التعليقات لأنها بتوضح للمتابعين هدف المشاركة والقصة الكاملة او الموجزة زى ما تحب , عادة بيظهر اول سطرين من غير اختيار المزيد ,عشان كده لازم اهم المعلومات تكون فى السطرين دول لان معظم الناس مش بتكمل قراءة القصة الكاملة .

8- القصص وسيلة تفاعل مهمة-stories:

تستخدم معظم الشركات القصص-stories كخطة تسويق فعالة جدا عشان كده لازم تكون فى استراتيجية التسويق الخاصة بيك
لازم تعمل تواصل بينك وبين المتابعين لأعمالك والقصص – stories وسيلة حلوة جدا , إعمل حسابك إنها بتختفى بعد 24 ساعة , عشان كده لازم تتابعها بشكل يومى وتهتم بيها وهيا كمان تعتبر محرك ضخم للرسائل المباشرة من المتابعين وبكده تحقق فعالية كبيرة جدا , متنساش تركز إن القصص- stories اللى بتعرضها ليها علاقة قوية وبتعبر عن أعمالك وعلامتك التجارية .

اقرأ ايضاً  الدعاية والاعلان وتأثيرها على المستهلك
– تابعنا دايما لمزيد من النصايح التسويقية وأخبار السوشيال ميديا .
التسويق عن طريق المقالات - Article Marketing
كيف تختار منصات التواصل الاجتماعي المناسبة لمجال عملك
%d bloggers like this: