إزاي تعمل NewsJacking ؟؟

علشان تستمر في عملية التسويق لمنتجك أو خدمتك لازم تدور على حاجة جديدة تقدمها في المحتوى التسويقي ، و من الحاجات اللي هتساعدك في عمل محتوي متجدد و من خلاله تزود تفاعل الجمهور مع المحتوى هو الـ News Jacking .

يعني إيه NewsJacking :

الـ News Jacking :

معناه استغلالك للأخبار أو المواقف الموجودة على الساحة أو الـ Trend اللي موجود في الوقت المحدد لنزول البوست و شاغل الرأي العام في عمل محتوى تسويقي و ربطه بالمنتج أو الخدمة اللي بتسوق لها .

و الـ News Jacking علشان تستغله صح لازم تكون عارف مراحل الـ Trend أو الخبر ، و عارف إيه المراحل اللي تقدر تعمل فيها المحتوى . و المراحل دي :

1- مرحلة الأخبار العاجلة أو الـ Breaking news :

و المرحلة دي اللي بتكون مرحلة حدوث الموقف أو الخبر اللي بيتم استغلاله و الفترة الزمنية اللي بيبداً ينتشر فيها .

2- مرحلة الإثارة أو الـ Excitement Grows :

المرحلة دي بيبدأ يتحول فيها الخبر أو الحدث لتريند و بيبدأ كل الناس تتكلم عنه .

3- مرحلة القمة أو الـ Peak :

و دي بتكون المرحلة اللي بيوصل فيها الخبر أو الحدث لأعلى عدد متابعة و مشاهدة من الجمهور و أعلى انتشار له و تم استخدامه في عدد كبير من المحتويات التسويقية .

4- مرحلة الخبر القديم أو الـ Old news:

دي المرحلة اللي بيتحول فيها الخبر او الحدث لخبر قديم كل الناس اتكلمت عليه و بدأ التفاعل عليه يقل جداً و يختفي .

اقرأ ايضاً  الفرق بين News Jacking و Real Time Marketing و Brand Jacking

5- مرحلة النهاية أو الـ Done :

المرحلة دي اللي بيكون فيها الخبر أو الحدث عدى عليه وقت و مافيش كلام تاني عليه و لا تفاعل .

و علشان تقدر تعمل NewsJacking  قوي يبقى انت لازم تاخد بالك من الحاجات دي :

1- لازم تعمل الـ News Jacking في المرحلة الأولى و الثانية .
2- لازم تربط الـمحتوى اللي هتقدمه باستخدام ال News Jacking  بالمنتج أو الخدمة اللي بتقدمها.
3- لازم الفكرة اللي هتقدمها و تربطها مع الحدث أو الخبر أو التريند تكون قوية جداً.
4- و انت بتعمل ال News Jacking  ابعد عن استخدام الأخبار السلبية اللي لها علاقة بالحوادث و الموت و الأمراض .
5- فكر كويس جداً في النتائج اللي هتحصل بعد ما تعمل الـ News Jacking و تقدمه للجمهور علشان الموضوع مايتقلبش عليك و يعملوك انت Trend من السخرية و انتقاد فكرتك.

كيف تتعامل مع ال Negative Feedback على الsocial Media
كيف تسوق لمسوقين مثلك
%d bloggers like this: