فى 5 دقايق وبخبرة 11 سنة التسويق الالكترونى للشركات والمطاعم والعيادات ومحلات الملابس والمتاجر الالكترونية 

اولا وبما انك بتعمل التسويق الالكترونى فى مصر يبقى لازم تبقى فاهم كويس ان اهم المنصات بالنسبة ليك فيما يخص التسويق الالكترونى فى مصر هما الفيس بوك والانستجرام وجوجل 

يبقى بلاش تشتت نفسك وتضيع وقتك مع باقى المنصات
 مش معنى كلامى انك تهمل باقى المنصات طبعا – زى التيك توك وتويتر وغيرهم – لازم طبعا تعمل صفحات على كل المنصات لنشاطك التجارى 
انا كلامى تحديدا على الاعلانات الممولة, لو انت شتت نفسك فى كل المنصات يبقى هتبقى محتاج ميزانية كبيرة جدا وكمان هتقسمه على كل المنصات , يعنى فى الاخر البادجت الكبير دة لما هتوزعه هيبقى نصيب كل منصة 
 مش افضل حاجة وهتبقى برة المنافسة قصاد اللى زيك فى المجال فى المنصة دى 
عشان كدة احنا بخبرة 11 سنة فى التسويق الالكترونى بنوفر عليك وقتك ومجهودك وبنقولك لو نشاطك جوه مصر وبتارجت ناس جوه مصر يبقى بلاش تشتت نفسك وخليك على الفيس بوك والانستجرام وطبعا -عمنا الكبير- جوجل 
وعشان مطولش عن الـ 5 دقايق اللي وعدتك بيهم 
 ندخل فى الموضوع على طول ويبقى اللى استفدناه من المقدمة دى اننا خلاص ومن غير تشتت هنشتغل على 

1- الاعلانات الممولة على الفيس بوك والانستجرام 
2- الاعلانات الممولة على جوجل 

ناخد اول نقطة وهى 

التسويق الالكترونى على الفيس بوك والانستجرام 

الاعلانات الممولة على الفيس بوك والانستجرام 

التسويق الالكترونى على الفيس بوك والانستجرام بسيط وسهل ومش محتاج منك غير انك تبقى فاهم المنصة اللى انت بتعلن عليها كويس هى ايه وعليها مين والناس اللى عليها دول بيعملوا ايه بالظبط 
1- هى ايه ؟
هى منصة بتجمع الناس اللى يعرفو بعض و اللى عايزين يعرفوا بعض او اللى بيراقبوا بعض من بعيد لبعيد عشان كل واحد منهم يقول اللى فى نفسه . 
2- عليها مين ؟
دلوقتى نقدر نقول ان عليها اكتر من 85 % من الناس اللى معاها موبايل وعندها نت سواء كانوا اطفال او شباب او كبار فى السن , موجودين على المنصات دى 
3- الناس اللى عليها دول بيعملوا ايه بالظبط ؟
بص بقى فى النقطة دى بالذات مش هقدر اقولك غير ان الناس حرفيا بيعملو كل حاجة واى حاجة غير انهم يكونو منتظرين يشوفو منتجاتك او خدماتك 
انت بس بتحاول تستغل تجميعة الناس دى عشان تحاول تلمس مع احتياجات بعضهم لخدمتك او منتجك ودى بقى نقطة مهمة جدا انك تكون عارفها وانت بتقيم نتايج حملاتك 

طيب و انا بعمل التسويق الالكترونى على الفيس بوك والانستجرام اعمل ايه؟

بس بقى يا سيدى او يا ستى -عشان حقوق المرأة و عشان الدنيا متتقلبش علينا-  احنا اتفقنا طبعا ان الناس دى بتعمل اى حاجة وكل حاجة غير انهم ينتظروا منتجى او خدمتى 

طب اعمل ايه عشان يهتموا بمنتجى لما يظهر قدامهم 

اولا لازم الاول لو عندك منتج او خدمة مش معروفة ,تعرض فيديو كويس اوي مش عن المنتج او الخدمة ..لا طبعا

لكن لو ورتهم فيديو كويس للخلاط وهو بيقع على الارض ومش بيتكسر الناس هتهتم اكتر !

 فهيكون تجاوب العميل معاك على الفديو اسرع واقوى 

 عن استخدامات المنتج او الخدمة دى للناس عشان تلمس معاهم فى حاجة هما محتاجنها 

يعنى لو انت مثلا بتبيع خلاط تفتكر الناس محتاجة بقى تسمع عن ان الخلاط ده ماتوره 1000 لفة فى الثانية ولا مثلا ان السلك مصنوع من النحاس 

ليه بقى؟

 لانك حليت مشكلة كبيرة بالنسبة ليه وهى ان اكيد الخلاط بيقع مننا كلنا فى البيت لكن بيتكسر وبنضطر نجيب واحد جديد فلو الخلاط بتاعك مش بيتكسر يبقى انت كده حليت المشكلة

حاول دايما وانت بتعرض منتجك على السوشيال ميديا تقدمه على هيئة حلول او استخدامات 

زى الراجل البسيط اللى كان بيطلع المترو ويبعلك مفرش مثلا 
لو طلع طول اليوم وقعد يقول معايا مفرش يابانى معايا مفرش يابانى عمره ما هيبيع ولا واحد
لكن افتكر معايا كدة الراجل دة بيقول ايه
معايا مفرش يابانى يصلح للاستخدام فى المطبخ وسهل التنظيف ويصلح للاستخدام على السفرة وصعب انه يتقطع وسهل التنظيف 
كل دى استخدامات وحلول عشان كدة كان بيبيع 
انت كمان وانت بتعمل تسويق الكترونى عن منتجاتك دايما خليك فاكر انك تقدم حلول واستخدامات لمنتجك 

اخيرا بقى

 فى موضوع الاعلانات الممولة على الفيس بوك والانستجرام دة الاعلانات الممولة 

وانت بتعمل اعلانات ممولة وبتختار الجمهور لازم تفكر كويس فى مين اللى ممكن يشترى منك المنتج دة وياترى اللى ممكن يشترى دة سلوكه ايه وبيفكر ازاى 
يعنى مثلا لو بتبيع ملابس حريمي 
يبقى وانت بتختار الجمهور لازم تختار الستات فقط 
ثانيا لازم تختار السن اللى قرار الشراء فيه هما اللى بياخدوة يعنى مثلا بداية من 15 سنة 
ثالثا بقى بلاش تجرى على الاهتمامات وتقوم رازع فى الاهتمامات ملابس او موضة لان كل اللى زيك بيعملوا كدة ودة بيخلى المافسة عالية عليك ولو العميل تفاعل مع منشورك بيجيلوا بعدك على صفحته كل الناس اللى حاطة فى الاهتمامات ملابس او موضة 

حاول تفكر شوية برة الصندوق يعنى out of the box  اكتبها يمكن تنفعك .

اختار مثلا البنات اللى عندها مناسبة قريب لان دى اللى ممكن تشترى فى الوقت الحالى واسمها فى التارجت upcoming anniversary
او مثلا تختار المخطوبين لان دول فى الوقت دة تحديدا بيبقى تارجت كويس للملابس مثلا والادوات الكهربائية واسمها فى التارجت فى الفيس بوك engaged
عشان على قد ما تقدر تبعد عن المنافسة ,نروح بقى للمنصة التانية والمهمة جدا لمجالات كتير وهى 
التسويق الالكترونى على جوجل 
لو لسة مكمل معايا ومزهقتش منى ادخل بقى على اللينك دة عشان تكمل المقال اما لو زهقت …….فمعلش 

لازم وانت بتعمل اعلان ممول على الفيس بوك والانستجرام تحاول تكون مختلف عن اللى زيك فى المجال سواء بالمحتوى زى ما شرحت او فى التارجت