التسويق عن طريق المقالات – Article Marketing

التسويق عن طريق كتابة  المقالات – Article Marketing فكرة جديدة نوعاً ما بس ليها فوايد كبيرة جدا؛هنتكلم انهاردة عن طريقة تعتبر جديدة فى عالم التسويق انهاردة الطريقة دى لو تم استخدامها بشكل صح هتحقق نجاح كبير جدا  للتسويق لخدماتك ومنتجاتك على كافة المستويات.

الإعلان الجذاب ممكن تنتهى فاعليته وسحرة خلال الفترة الجاية وهتلعب العلاقات العامة  اهم دور فى التسويق لإنها هتكون مسئولة عن توطيد العلاقات والثقة والأمان  اللى هتخلى الناس لا شعوريا ً يكونوا مستهلكين فعليين لخدماتك ومنتجاتك وشرائها بكامل الثقة والإستمتاع بيها كمان  .

الأهم اننا نعرف ازاى نستخدم اكتر طرق الدعايا فاعلية وأداة من الأدوات البسيطة والسهلة فى التنفيذ من قبل العلاقات العامة وهى التسويق بالمقالات  Article Marketing

كتر استخدام العديد من أصحاب الشركات والخدمات المختلفة والمشروعات الصغيرة ايضا  لطريقة التسويق عن طريق المقالات.

وأصبحت طريقة مشهورة يعتمد عليها وهيا بإختصار إنك بتقدم لمتابعينك وجمهورك نصائح عملية ومعلومات مفيدة عن المجال اللى بتشتغل فيه؛ وبيتم التركيز هنا على الفوائد والخدمات اللى بيقدمها المجال بشكل عام وليس بشكل خاص منتجك او خدمتك انت بالتحديد .

يعنى بتهتم بتقديم معلومات عن الفايدة العامة للخدمة او المنتج مش عن مميزات وقدرات منتجاتك؛ وهنا تقدر تدخل المقالات ضمن حملة إعلانية انت مخطط ليها بردو زى تقديم فيديوهات إرشادية او نصائح الناس المفروض تخلى بالها منها ؛كمان ممكن تقدم للناس مشاركات مجانية للتدريب مثلا.

اقرأ ايضاً  أفضل و أسوا اوقات تنشر صورك فيهم علي Instagram في 2019

ودا كله بيكون ضمن خطط العلاقات العامة المباشرة والشخصية كمان.

ومع وجود منصات التواصل الاجتماعى على رأس ادوات التسويق الالكترونى اثبت هذا النوع من التسويق نجاح كبير ودا متوقع وهيكون بشكل اكبر بكتير خلال الفترة القادمة .

كتابة المقالات هتكون مرجع لاى شخص يبحث على معلومات او خدمات فى مجالك اللى انت كتبت عنه فى المواقع المختلفة ؛هتلاقى محركات البحث أظهرت للباحث مقالاتك وربطت بين خدمتك وبين نوع اخر من التسويق اللى يعتبر غير مباشر مما يسهل زيادة جمهور المستهلكين فى استخدامك انت تحديداً والإستعانة بخدماتك ومنتجاتك لإنك بالطبع لو حبيت تذكر خدماتك وطرق التواصل معاك فى اخر المقالة او موقعك الالكترونى دا هيسمح بوصولك لاعداد كبيرة جدا .

كمان هتكون قطعت خطوة كبيرة فى منح عميلك ثقة كبيرة كافية جدا لبدء التعامل من خلالك بإطمئنان ؛وكمان طريقة كويسة جدا توضح اهتمامك وحبك وفهمك لمجالك بشكل مسبوق غير المنافسين اللى لسه ما بدأوش استخدام النوع دا من التسويق .

كيف تجعل علامتك التجارية ناجحة على وسائل التواصل الاجتماعي
أفضل النصائح لإستخدام Instagram للتسويق
%d bloggers like this: