الخداع التسويقي

حاجة كويسة ان تبقي شخص بيعرف يعمل مبيعات لما تبيع الهوا بأزايز ( الخداع التسويقي ) زي ما بيقولوا بس أنت بتبصلها كـ شخص أو بصورة فردية مفكرتش ده تأثيرها علي الشركة أو المؤسسة و أن الأثر السلبي لـ ده علي المدي البعيد أكبر من تحقيق منفعه وقتيه .
الغش و الخداع التسويقي ليه طرق و أساليب مختلفة و بتتغير و بتزيد من يوم للتاني في السوق و في المقال ده هنقولك علي أهم طرق الخداع التسويقي عشان متوقعش فيها .

الخداع التسويقي
الخداع التسويقي

طرق الخداع التسويقي :

1) البلاك فرايداي : الجمعه السوداء هو يوم عالمي بيرجع اليوم ده للقرن ال 19 و ارتبط بالأزمة المالية الأمريكية اللي حصلت سنة 1869 و توقف حركة البيع و الشراء و الخبراء الأقتصاديين الي فكرة البلاك فرايداي و عرض المنتجات و السلع بأسعار منخفضة للأسف الفكرة بدايتها كانت بتمتلك قدر كبير من المصداقية بس مع الوقت ووصولها لينا في مصر أدي لوجود تلاعب كبير بدأت في مصر من خلال التسويق الألكتروني و مواقع البيع الأونلاين التلاعب بيتهم أن بعض البرندات بيقوموا برفع أسعار المنتجات و في البلاك فرايداي بيقوموا بتخفيض السعر تاني و ده بيعد نوع من الغش عشان كده بننصحك أنك في البلاك فرايداي حاول متنساقش للعروض .
2) تغيير أسماء البرندات و تقليد الأسماء و دي بيعتمد فيها علي أن في اللاوعي الأدراكي للشخص أنهه بمجرد ما بيشوف كلمة متعود يقرأها أو لوجو بترتبط بماركة محددة و من طرق خداعهم أنهم بيغيروا الأسم لأسم متقارب زي مثلا abibas بدل من adidas .
3) تكبير حجم عبوة المنتج جدا مع تصغير المحتوي زي ما بنقول كده ده مليان هوا زي ما شركة شيبسي قامت في فترة بعمل شيبسي جامبو وفعلا الكيس كبير جدا بس المحتوي معظمه هوا .
4) نقص معلومات المنتج علي العبوة و عدم ذكر كل المكونات اللي بيشملها .
5) تخفيض الوزن الخاص بالمنتج و تثبيت السعر ودي فكرتها أن الشركة بتكون محتاجة تعلي قيمة المنتج ممكن لزيادة سعر المكون الأساسي  أو لأهداف ربحية بس بيلاقوا أن رفع السعر النهائي للمنتج ممكن يتقابل بمردود سئ للكتير من الناس فبيلاقوا أنه من الأسهل هو تقليل الوزن مع ثبات السعر .

اخطاء تسويقية
8 خطوات هتساعدك في خسارة عملائك علي السوشيال ميديا
%d bloggers like this: