10 طرق سهلة لتحسين البروفايل على كل منصات التواصل الأجتماعى

 البروفايل الخاص بشغلك مهم جدا ولازم يعبر عنك وبخطوات سهلة وبسيطة تقدر تحسن البروفايل على كل منصات التواصل الأجتماعى وخلال ساعة واحدة بس او اقل  هنقولك على الخطوات اللى لازم تعملها وتبتدى تراجع بروفايلك وتشوف إيه  اللى مش كامل وتكمله.

1-حجم صورة البروفايل :

اتاكد من حجم الصورة المناسب اللى هيساعدك تظهر بصورة حلوة وبشكل احترافى فى اى  مكان تظهر فيه الصورة  وفكر كمان ازاى هيكون شكلها  لما تظهر مثلا من خلال الموبايل او الكمبيوتر  هتكون صغيرة ؟ كبيرة او مقاسها مناسب ؟ مش هياخد منك دقايق عشان تظبطها على كل الشبكات.

وهتلاقى بسهولة جدا كل منصة على السوشيال ميديا محددة حجم الصورة المناسبة ما عليك الا بس تعرف الحجم وتظبط عليه بروفايلك .

2-استخدم نفس صورة البروفايل على كل الشبكات:

عشان صورتك تبقى واحدة هيساعدك انك تعمل شعار وعلامة تجارية معروفة وهيزود طبعا ظهورك فى كل المنصات  وهتبنى هوية قوية غير لما تستخدم صور مختلفة وشعارات مختلفة  لكن الصورة الموحدة هتخلى الناس تفكر فيك قبل منافسينك اذا احتاجوا الخدمات او المنتجات اللى بتقدمها.

3-أتاكد ان أدواتك ثابتة وظاهرة ويمكن البحث عنك بسهولة:

زى ما  توحيد الصور بتسهل التعرف على علامتك التجارية وشعارك؛ نفس الشىء فى تثبيت الادوات اللى بستخدمها عشان تسهل على الناس مهمة البحث عنك والعثور عليك ببساطة  ومتابعتك وخلى دا واضح جدا زى مثلا لما تكتب علامة @ جمب اسمك الشخصى او علامتك التجارية على قد ما تقدر.

فى معظم شبكات السوشيال ميديا فى قوائم بمجرد ما تعملها اسقاط بتساعدك تحدد الاسم والمدينة والمنطقة والرموز السرية وحاجات كتيير جدا مش كل الناس تقدر تستخدمها  محتاجة حد جيمس بوند جدا عشان يتعامل بدقة معاها بس انت هنا مش فى لعبة التجسس انت فى ملعب البيع والشراء.

اقرأ ايضاً  5فروق بين المحيط الأزرق و المحيط الأحمر

4-اتخلص من الصور السيئة والمشاركات غير المناسبة:

العلامات والاشارات طريقة ممتازة  للتواصل مع معجبيك بس اذا استخدمتها بطريقة صح ؛ لكن لو بتستخدم علامات على صور او منشورات مش مناسبة هتظهر بشكل هاوى وغير محترف ومن الممكن انك تواجة مشاكل قانونية ؛ ضرورى تتأكد من اعدادت علامة الصورة  الخاصة بيك و خلى اعدادتك تتوافق مع سياسة منصات التواصل الاجتماعى المختلفة الخاصة بك.

ومن نصائح المحترفين فى المجال انك لازم تتابع اين يشار الى اسمك ومين اللى بإمكانة مشاهدة صورك والمشاركات الاخرى لشبكاتك عشان تقدر تحدد دا  لازم يبقى فيه اذن بالموافقة منك على الصور اللى بيتم وضع علامة بإسمك عليها قبل ظهورها   ومين المصرح ليه وضع علامة بإسمك فى الصور وتحقق من كل شبكة عشان تحدد استراتيجيتك فى التعامل مع المشاركات  اللى تم الاشارة ليك فيها او وضع علامتك على الصور ومراجعتها  وقم بإلغاء وازالة  العلامات من الصور والمشاركات السيئة والغير لائقة وخلى المراجعة شئ روتينى تعمله بإنتظام.

والسؤال اللى بيدور فى ذهنك لتتجنب كل دا انك  توقف وضع العلامات والاشارة ليك ؟ مش خطوة صح لان المحادثات المتصلة  بمجالك هتظهر فى اماكن اكتر عشان كده دا سبب وضع العلامات والاشارة  فبالتالى هتسمحلك بمشاهدة المزيد من العلامات التجارية.

5-قابيلة الاكتشاف فى البحث:

ودا بيتم من خلال استخدام  الكلمات الاساسية والصحيحة فى ملف  معلوماتك  عشان يتم اكتشافها فى مجالك ومكانك المناسب  بمعنى لما يبحث بعض الاشخاص على الويب فأنت  عايز شعار علامتك التجارية تكون فى اول نتائج البحث .

ومن السهل وبطريقة سريعة تقدر تضيف الكلمات الصح لملفك من خلال طريقتين :

اولا: تحديد الكلمات الأساسية الصحيحة  keywords

لازم تكون على دراية كاملة على اكثر الكلمات اللى بتستخدم للبحث عن محترفين فى مجالك وبتساعدك ادوات كتير انك تعرف المصطلحات والكلمات المناسبة زى مثلا  Google Keyword Planner.

اقرأ ايضاً  هناك فرق offline Marketing و Online Marketing و Digital Marketing

بعد معرفتك حدث ملفات التعريف الخاصة بيك على السوشيال ميديا بالكلمات والعبارات اللى حددتها.

ثانيا: اعمل بنفس الطريقة فى الاقسام التانية الوظيفة والوصف والخبرة والمهارات فى  linkedIn وكل حساباتك الاخرى حتى فى سيرتك الذاتية للحصول على صور واهتمات اكتر.

لكن لا تحصر الكلمات والمصطلحات الاساسية فى  الاقسام دى فقط ؛اعمل بها بشكل طبيعى زى مثلا ازاى تتكلم ؟ وهتلاقى محرك البحث رفع تصنيفك وهتظهر فى اول قائمة النتائج  مش فى اخر الصفحة.

6-أتأكد من ملء كل الخانات فى كل مجال:

وانت بتضيف الكلمات والمصطلحات الرئيسية لملفك الشخصى تأكد انك مليت كل الخانات ؛ ليه؟

لأن الاشخاص اللى هيطلعوا على ملفك هيشوفك بشكل مهنى مش العكس.

اكتب جمل موجزة و واضحة  انت مجالك ايه وايه نوع الخدمات اللى بتقدمها .

خلى الكلام جذاب مش ممل ؛وكل فترة راجع الخانات دى لانها بتتجدد وبيتم إضافة خانات اخرى وإزالة خانات موجودة بالفعل.

7-الترويج من خلال اضافات داخل ملفات التعريف عالسوشيال ميديا:

بمعنى لو عندك موقع الكترونى ودا مهم جدا للوصول للاحترافية وتغطية كل المنافذ الالكترونية اللى بتعمل من خلالها ؛ومنطقى ان معظم الناس بتدخل على الموقع الالكترونى هنا فرصتك انك تستخدم الترويج المتقاطع تستخدم الاختيارات فى ملفات التعريف لربط موقعك بتطبيقات السوشيال ميديا كلها.

مثال :

فيسبوك بيسمحلك بإضافة مجالات عديدة من ضمنها الموقع الالكترونى.

linkedIn بيسمحلك تضيف حساب تويتر الخاص بك.

Pinterest بيسمحلك بربط الاتصال بالفيس بوك وتويتر.

8-اختبار الروابط الخاصة بك:

بمعنى انك تتأكد من ان الروابط اللى بتضيفها شغالة بشكل فعال من الممكن جدا ان يحصل اخطاء اثناء الكتابة تخلى الروابط مش شغالة فتربك المستخدمين وتظهر نوع من الخلل فى موقعك كمان مش هتحصل على مزايا الترويج المتقاطع اللى اتكلمنا عليه؛ عشان كده اختبر فعالية الروابط مش هياخد من وقتك ثانية او ثانيتين.

اقرأ ايضاً  ازاي تبني Personal Branding

9-بناء الثقة الاجتماعية:

عشان تبنى ثقة بين عملاؤك ومتابعينك على السوشيال ميديا شىء مهم وبيحصل بطرق مختلفة منها طلب الريفيوهات والتوصيات من الاصدقاء والعائلة والعملاءاللى بالفعل اشتغلت معاهم وقدمت لهم خدماتك والعملاء الحاليين بردو ومن خلال دا بيظهر للأخرين مدى نجاحك وهتحصل على ثقة المتابعين والقراء أكثر من لو عملت مجرد إعلان.

وعشان اكيد دا مش هيتحقق خلال ساعة فممكن تستخدم مثلا قسم الموافقات فى  linkedINاللى ممكن الناس بمجرد ضغطة واحدة من خلالها تدعم مهاراتك المختلفة.

وايضا من خلال الفيس بوك استخدم الريفيوهات اللى اناس بتكتبها على صفحتك وركز على الاعمال الايجابية او الخدمات اللى قدمتها بشكل اكتر من رائع؛ فى تويتر ممكن تثبت التغريدات الايجابية بردو فى المفضل فى ساحة التغريدات ودا بيخليك تتحكم فى اللى بيشوفه الزوار اول ما يدخلو صفحاتك .

فيه كتير جدا من الخطوات الجيدة جدا اللى ممكن تعملها ليك ولعلامتك الجارية خلال دقائق.

10-ضيف افضل محتوى عندك فى اول بروفايك يعنى تعمل Pin لافضل بوست عندك مثلا:

ودى هتكون اول حاجة يشوفهاالناس عند البحث عنك ومعظم التطبيقات بتدعم خاصية ال PIN  او التثبيت أهمها فيسبوك وتويتر وLinkedIn ؛ هتكون فرصتك لعرض افضل اعمالك سواء رسالة رئيسية او صفحة جديدة مقصودة او فيديو رائع ؛ هتحققلك اقصى استفادة ممكن تحصل عليها؛ وبكده كل معلومات البروفايل الخاص بيك على كل وسائل التواصل الاجتماعى مرتبة ومنظمة وكاملة وفعالة فى نفس الوقت وجاهزة بشكل مهنى واحترافى ينعكس على شغلك ويحفز الناس على الاستفادة مما تقدمة بأفضل صورة.

طرق لبناء محتوى مثير لمنتج جديد على السوشيال ميديا
كيف تكتب BIO جذاب على وسائل التواصل الاجتماعي
%d bloggers like this: